｜這個風風雨雨的社會
tsit ê hong-hong-ú-ú ê siā-huē

｜欲怎樣開花
beh tsuánn-iūnn khui-hue

｜少年家怎樣落地
siàu-liân-ke tsuánn-iūnn lo̍h-tē

｜咱攏是為著愛情來浪流連
lán lóng sī uī-tio̍h ài-tsîng lâi lōng-liú-lian

（敢有人愛我）
(kám ū-lâng ài guá)

–
.

｜我已經決定欲做一个善良的歹囝
guá í-king kuat-tīng, beh tsuè tsi̍t-ê siān-liông ê pháinn-kiánn

｜薰莫閣食酒袂閣焦
hun mài koh tsia̍h, tsiú buē koh ta

｜想你的彼暗 佇恁兜的亭仔跤
siūnn lí ê hit àm, tī lín tau ê tîng-á-kha

｜想你的彼暗 佇恁兜的窗仔外
siūnn lí ê hit àm, tī lín tau ê thang-á-guā

–
.

｜其實我生活甲無好我家己攏知影
kî-si̍t guá sing-ua̍h kah bô hó, guá ka-kī lóng tsai-iánn

｜恁攏了解我會掩崁我的軟汫
lín lóng liáu-kái guá ē am-khàm guá ê nńg-tsiánn

｜平凡的 歹命的 咱拼死做
pîng-huân–ê, pháinn-miā–ê, lán piànn-sì tsuè

｜哦 當做講笑詼 哦 攏是白賊話
ooh~ tòng-tsuè kóng- tshiò-khue, ooh~ lóng sī pe̍h-tsha̍t-uē

–
.

｜猶原會記得我少年時所偷偷烏白寫的願望
iu-guân ē-kì-tit guá siàu-liân-sî, sóo thau-thau oo-pe̍h siá ê guān-bāng

｜彼當陣我已經當做這世界我早著已經看破
hit-tang-tsūn guá í-king tòng-tsuè, tsit sè-kài guá tsá tiō í-kīng khuànn-phuà

｜後世人 袂閣為著你來 浪流連
āu-sì-lâng, buē koh uī-tio̍h lí lâi lōng-liú-lian